737

Þetta er kanski flugskeyti en það er engin flugvél þarna og þetta er ekki umhverfi flugvallarins eða svæðisins þar sem að flugvélin fór niður. Það er annað myndskeyð til þar sem að það sést þegar eldur kviknar í flugvélinni, sennilega mótor. Vélinni er fylgt eftir þó nokkuð lengi að fljúga og svo fer hún að missa flughæð og eldur magnast og blossar svo upp þegar flugvélin lendir á jörðu. Ef flugskeyti lendir á flugvél þá tætist hún í þúsindir parta ásamt farþegum og farangri. Enginn verður þekkjanlegur og allt er dreift um stórt svæði en véli getur ekki flogið áfram. Það eru líkpokar sem er raðað upp og séts vel á myndum frá fréttastofum og líka á RÚV. Þetta er afvegaleiðing á atburði sem er sorglegur og vonandi ber Úkraniskum yfirvöldu gæfa til að fá hlutlausa aðila til að lesa flugritana.

Myndskeið náðist af flugskeyti lenda á þotunni

Athugasemdir

[Guðmundur Ásgeirsson, 10.1.2020 kl. 01:14]

Ég ætla ekki að fullyrða hvað sé rétt eða röng ályktun heldur benda á nokkrar almennar staðreyndir.

Ef flugskeyti lendir á flugvél tætist hún ekki endilega í þúsundir parta á einu augnabliki, sérstaklega ekki farþegaþota sem er tvisvar til þrisvar sinnum stærri en herþoturnar sem flugskeyti eru hönnuð til að granda (ekki splundra). Flugskeytið er talið hafa verið af rússnesku tegundinni Tor (SA-15) með 15 kg sprengjuhleðslu en það er ekkert risavaxið í þessu samhengi. Auk þess eru þau með fjarlægðarstýrðum kveikjubúnaði (proximity fuse) sem gerir kleift að stilla þau þannig að sprengihleðslan springi í fyrirfram ákveðinni fjarlægð frá skotmarkinu. Með því að stilla þá fjarlægð rétta er vel hægt að valda nægu tjóni á tilteknu skotmarki svo það muni ugglaust hrapa, án þess að þurfa að splundra því í þúsund parta. Ef einhver ætlaði sér til dæmis að skjóta niður flugvél en láta það líta út sem slys væri mjög hentugt að geta búið þannig um hnútana.

Á myndum frá vettvangi sem allir vestrænir fréttamiðlar hafa birt athugasemdalaust, þar á meðal mbl.is, hefur meðal annars sést brak úr einhverskonar hreyfli, en slíkir hlutir splundrast ógjarnan vegna þess hve sterkum málmi þeir eru úr. Samkvæmt grófri myndgreiningu er þessi tiltekni hreyfill varla meira en 30 cm í þvermál. Hreyflarnir á Boeing 737 eru næstum mannhæðarháir, en ummálið á Tor (SA-15) er 23,5 cm. Því vaknar sú spurning hvort líklegra sé að þetta sé brak úr þotunni, eða flugskeyti?

Líkpokarnir sem sjást raðaðir upp stangast ekkert á við þá hugsanlegu atburðarás að flugskeyti gæti hafa hæft þessa flugvél og það leitt til þess að hún hrapaði.

Hörmulegur atburður hvort sem þessi eða hin skýringin er rétt, sem eru að talsverðu leyti getgátur á þessu stigi.